जन्मदिनमा ५६ विद्यार्थीलाई शैक्षिक सामग्री वितरण
बोगटान फुड्सिल (डोटी) । डोटीको बोगटान फुड्सिल गाउँपालिका ५ स्थित दर्जाकोट माविका ५६ छात्रछात्रालाई शैक्षिक सामग्री वितरण गरिएको छ । विद्यालयका सहायक प्रधानाध्यापक दिपेन्द्र बमले आफ्नो जन्म दिनको अवसरमा विद्यार्थीहरुलाई शैक्षिक सामग्री वितरण गर्नु भएको हो ।
उहाँले शैक्षिक सत्र २०८० मा कक्षा १ देखि कक्षा ९ सम्ममा प्रथम, द्धितिय, तृतिय सहित आमाबुबा नभएका अनुसासित विद्यार्थीका लागि कपी र कलम सहितका शैक्षिक समाग्री वितरण गरेको दर्जाकोट माविका लेखापाल सिताराम बिनाडीले जानकारी दिनु भएको छ ।
पछिल्लो समय जन्मदिनको अवसरमा अनावश्यक खर्च गर्ने क्रम बढेको र त्यस्तो खर्चले बिना काम खेर जाने गरेको भन्दै आफुले यस्तो क्रियाकलाप गर्ने योजना बनाएको सहायक प्रधानाध्यापक बमले बताउनु भएको छ ।
प्रतिकृया दिनुहोस