माओवादी केन्द्र ढकारीको तेस्रो अधिवेशन सम्पन्न
नेकपा माओवादी केन्द्र ढकारी गाउँपालिका कमिटीको तेस्रो अधिवेशन नयाँ नेतृत्व चयन गर्दै सम्पन्न भएको छ । हंशराज उपाध्यायको अध्यक्षतामा ३१ सदस्यीय नयाँ कमिटी गठन गर्दै अधिवेशन सम्पन्न भएको हो ।
संविधान सभा सदस्य तथा माओवादी केन्द्र अछाम जिल्ला इन्चार्ज शरदसिंह भण्डारीको प्रमुख आथित्यतामा सम्पन्न अधिवेशनमा पार्टीका केन्द्रीय सदस्य दिपक साउँद तरंग, रामप्रसद तिमिल्सिना राप्ती र पार्टीका प्रदेश कमिटी उपाध्यक्ष तथा प्रदेशसभा सदस्य अक्कल बहादुर रावलको पनि बिशेष उपस्थिति रहेको थियो ।
अधिवेशनको उद्घाटन सभामा बोल्दै प्रमुख अतिथि भण्डारीले माओवादीकै त्याग, तपस्या र बलिदानीले अहिले घरघरमा समृद्धि भित्रिएको बताउनुभयो । जसका कारण गाउँमै यातायात, बिजुली र अन्य विकास पूर्वाधारले फड्को मागरेको दाबी गर्नुभयो । उहाँले कुनैपनि खाले भ्रममा नपर्न आग्रह गर्दै नेता कार्यक्रताहरुलाई एकताबद्ध भएर संगठन निर्माणमा लाग्न पनि आव्हान गर्नुभयो ।
कार्यक्रममा नेकपा माओवादी केन्द्र अछामका जिल्ला संयोजक रबिन्द्र साउँद, ढकारी गाउँपालिका कमिटी इन्चार्ज तथा प्रदेश कमिटी सदस्य नृपबहादुर थापा, प्रदेश कमिटी सल्लाहकार सदस्य तुलाराम उपाध्याय तथा नेपाली कांग्रेसका कपिल बुढा, नेकपा एमालेका नेत्र शाही, राष्ट्रिय स्वतन्त्र पार्टीका तारा भण्डारी, नेपाल कम्युनिष्ट पार्टीका उमेश बुढा र एकिकृत शिक्षक संगठन सुदूरपश्चिम प्रदेश कमिटी सदस्य सिताराम भण्डारी लगायतका अतिथिहरुको सभामा सहभागिता रहेको थियो ।
अधिवेशन मार्फत निर्विरोध रुपमा चयन भएका पदाधिकारीहरुमा नेकपा माओवादी केन्द्र ढकारी गाउँकमिटीको उपाध्यक्षहरुमा रत्ना रिामाल, पदम बिष्ट, गंगा बहादुर बिक, सचिवमा शेरबहादुर कमी, सहसचिवमा कृण बिष्ट र बिर बहादुर कामी तथा कोषाध्यक्षमा मञ्जु बिष्ट रहनु भएको छ ।
कार्यक्रममा जनयुद्दकालमा महत्वपूर्ण मुमिका खेल्नुभएका कालु साउद, धनबिरे कामी धरान र दयाराम बिक दिनेशलाई सम्मान गरिएको थियो । कार्यक्रममा मञ्जु विष्टले स्वागत मन्तव्य राख्नु भएको थियो भने संचालन लाल बहादुर साउदले गर्नुभएक थियो ।
प्रतिकृया दिनुहोस